૧. સમ્મુતિપેય્યાલં

૧. ભત્તુદ્દેસકસુત્તં

૨૭૨. ‘‘પઞ્ચહિ, ભિક્ખવે, ધમ્મેહિ સમન્નાગતો ભત્તુદ્દેસકો ન સમ્મન્નિતબ્બો [ન સમ્મનિતબ્બો (ક.) ચૂળવ. ૩૨૬ પસ્સિતબ્બં]. કતમેહિ પઞ્ચહિ? છન્દાગતિં ગચ્છતિ, દોસાગતિં ગચ્છતિ, મોહાગતિં ગચ્છતિ, ભયાગતિં ગચ્છતિ, ઉદ્દિટ્ઠાનુદ્દિટ્ઠં ન જાનાતિ – ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો ભત્તુદ્દેસકો ન સમ્મન્નિતબ્બો.

‘‘પઞ્ચહિ, ભિક્ખવે, ધમ્મેહિ સમન્નાગતો ભત્તુદ્દેસકો સમ્મન્નિતબ્બો. કતમેહિ પઞ્ચહિ? ન છન્દાગતિં ગચ્છતિ, ન દોસાગતિં ગચ્છતિ, ન મોહાગતિં ગચ્છતિ, ન ભયાગતિં ગચ્છતિ, ઉદ્દિટ્ઠાનુદ્દિટ્ઠં જાનાતિ – ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો ભત્તુદ્દેસકો સમ્મન્નિતબ્બોતિ.

‘‘પઞ્ચહિ, ભિક્ખવે, ધમ્મેહિ સમન્નાગતો ભત્તુદ્દેસકો સમ્મતો [સમ્મતોપિ (સી.)] ન પેસેતબ્બો…પે… સમ્મતો પેસેતબ્બો… બાલો વેદિતબ્બો… પણ્ડિતો વેદિતબ્બો… ખતં ઉપહતં અત્તાનં પરિહરતિ… અક્ખતં અનુપહતં અત્તાનં પરિહરતિ… યથાભતં નિક્ખિત્તો એવં નિરયે… યથાભતં નિક્ખિત્તો એવં સગ્ગે. કતમેહિ પઞ્ચહિ? ન છન્દાગતિં ગચ્છતિ, ન દોસાગતિં ગચ્છતિ, ન મોહાગતિં ગચ્છતિ, ન ભયાગતિં ગચ્છતિ, ઉદ્દિટ્ઠાનુદ્દિટ્ઠં જાનાતિ – ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો ભત્તુદ્દેસકો યથાભતં નિક્ખિત્તો એવં સગ્ગે’’તિ. પઠમં.

૨-૧૪. સેનાસનપઞ્ઞાપકસુત્તાદિતેરસકં

૨૭૩-૨૮૫. ‘‘પઞ્ચહિ, ભિક્ખવે, ધમ્મેહિ સમન્નાગતો સેનાસનપઞ્ઞાપકો ન સમ્મન્નિતબ્બો…પે… પઞ્ઞત્તાપઞ્ઞત્તં ન જાનાતિ…પે… સેનાસનપઞ્ઞાપકો સમ્મન્નિતબ્બો…પે… પઞ્ઞત્તાપઞ્ઞત્તં જાનાતિ…પે….

સેનાસનગાહાપકો ન સમ્મન્નિતબ્બો…પે… ગહિતાગહિતં [પઞ્ઞત્તાપઞ્ઞત્તં (સી. સ્યા. કં.)] ન જાનાતિ…પે… સેનાસનગાહાપકો સમ્મન્નિતબ્બો…પે… ગહિતાગહિતં [પઞ્ઞત્તાપઞ્ઞત્તં (સી. સ્યા. કં.)] જાનાતિ…પે….

ભણ્ડાગારિકો ન સમ્મન્નિતબ્બો…પે… ગુત્તાગુત્તં ન જાનાતિ… ભણ્ડાગારિકો સમ્મન્નિતબ્બો…પે… ગુત્તાગુત્તં જાનાતિ…પે….

ચીવરપટિગ્ગાહકો ન સમ્મન્નિતબ્બો…પે… ગહિતાગહિતં ન જાનાતિ… ચીવરપટિગ્ગાહકો સમ્મન્નિતબ્બો …પે… ગહિતાગહિતં જાનાતિ…પે….

ચીવરભાજકો ન સમ્મન્નિતબ્બો…પે… ભાજિતાભાજિતં ન જાનાતિ… ચીવરભાજકો સમ્મન્નિતબ્બો…પે… ભાજિતાભાજિતં જાનાતિ…પે….

યાગુભાજકો ન સમ્મન્નિતબ્બો…પે… યાગુભાજકો સમ્મન્નિતબ્બો…પે….

ફલભાજકો ન સમ્મન્નિતબ્બો…પે… ફલભાજકો સમ્મન્નિતબ્બો…પે….

ખજ્જકભાજકો ન સમ્મન્નિતબ્બો…પે… ભાજિતાભાજિતં ન જાનાતિ… ખજ્જકભાજકો સમ્મન્નિતબ્બો…પે… ભાજિતાભાજિતં જાનાતિ…પે….

અપ્પમત્તકવિસ્સજ્જકો ન સમ્મન્નિતબ્બો…પે… વિસ્સજ્જિતાવિસ્સજ્જિતં ન જાનાતિ… અપ્પમત્તકવિસ્સજ્જકો સમ્મન્નિતબ્બો…પે… વિસ્સજ્જિતાવિસ્સજ્જિતં જાનાતિ….

સાટિયગ્ગાહાપકો ન સમ્મન્નિતબ્બો…પે… ગહિતાગહિતં ન જાનાતિ … સાટિયગ્ગાહાપકો સમ્મન્નિતબ્બો…પે… ગહિતાગહિતં જાનાતિ….

પત્તગ્ગાહાપકો ન સમ્મન્નિતબ્બો…પે… ગહિતાગહિતં ન જાનાતિ… પત્તગ્ગાહાપકો સમ્મન્નિતબ્બો…પે… ગહિતાગહિતં જાનાતિ….

આરામિકપેસકો ન સમ્મન્નિતબ્બો…પે… આરામિકપેસકો સમ્મન્નિતબ્બો…પે….

સામણેરપેસકો ન સમ્મન્નિતબ્બો…પે… સામણેરપેસકો સમ્મન્નિતબ્બો…પે….

સમ્મતો ન પેસેતબ્બો…પે… સમ્મતો પેસેતબ્બો…પે….

સામણેરપેસકો બાલો વેદિતબ્બો…પે… પણ્ડિતો વેદિતબ્બો… ખતં ઉપહતં અત્તાનં પરિહરતિ… અક્ખતં અનુપહતં અત્તાનં પરિહરતિ… યથાભતં નિક્ખિત્તો એવં નિરયે… યથાભતં નિક્ખિત્તો એવં સગ્ગે. કતમેહિ પઞ્ચહિ? ન છન્દાગતિં ગચ્છતિ, ન દોસાગતિં ગચ્છતિ, ન મોહાગતિં ગચ્છતિ, ન ભયાગતિં ગચ્છતિ, પેસિતાપેસિતં જાનાતિ. ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો સામણેરપેસકો યથાભતં નિક્ખિત્તો એવં સગ્ગે’’તિ. ચુદ્દસમં.

સમ્મુતિપેય્યાલં નિટ્ઠિતં.