૮. સારજ્જસુત્તં

૧૫૮. ‘‘પઞ્ચહિ, ભિક્ખવે, ધમ્મેહિ સમન્નાગતો ભિક્ખુ સારજ્જં ઓક્કન્તો [ઓક્કમન્તો (ક.)] હોતિ. કતમેહિ પઞ્ચહિ? ઇધ, ભિક્ખવે, ભિક્ખુ અસ્સદ્ધો હોતિ, દુસ્સીલો હોતિ, અપ્પસ્સુતો હોતિ, કુસીતો હોતિ, દુપઞ્ઞો હોતિ. ઇમેહિ ખો, ભિક્ખવે, પઞ્ચહિ, ધમ્મેહિ સમન્નાગતો ભિક્ખુ સારજ્જં ઓક્કન્તો હોતિ.

‘‘પઞ્ચહિ, ભિક્ખવે, ધમ્મેહિ સમન્નાગતો ભિક્ખુ વિસારદો હોતિ. કતમેહિ પઞ્ચહિ? ઇધ, ભિક્ખવે, ભિક્ખુ સદ્ધો હોતિ, સીલવા હોતિ, બહુસ્સુતો હોતિ, આરદ્ધવીરિયો હોતિ, પઞ્ઞવા હોતિ. ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો ભિક્ખુ વિસારદો હોતી’’તિ. અટ્ઠમં.