૧. અનનુસ્સુતસુત્તં

૧૧. ‘‘પુબ્બાહં, ભિક્ખવે, અનનુસ્સુતેસુ ધમ્મેસુ અભિઞ્ઞાવોસાનપારમિપ્પત્તો પટિજાનામિ. પઞ્ચિમાનિ, ભિક્ખવે, તથાગતસ્સ તથાગતબલાનિ, યેહિ બલેહિ સમન્નાગતો તથાગતો આસભં ઠાનં પટિજાનાતિ, પરિસાસુ સીહનાદં નદતિ, બ્રહ્મચક્કં પવત્તેતિ. કતમાનિ પઞ્ચ? સદ્ધાબલં, હિરીબલં, ઓત્તપ્પબલં, વીરિયબલં, પઞ્ઞાબલં – ઇમાનિ ખો, ભિક્ખવે, પઞ્ચ તથાગતસ્સ તથાગતબલાનિ યેહિ બલેહિ સમન્નાગતો તથાગતો આસભં ઠાનં પટિજાનાતિ, પરિસાસુ સીહનાદં નદતિ, બ્રહ્મચક્કં પવત્તેતી’’તિ. પઠમં.