૬. છટ્ઠવગ્ગો

૨૪૮. ‘‘એતદગ્ગં, ભિક્ખવે, મમ સાવકાનં ઉપાસકાનં પઠમં સરણં ગચ્છન્તાનં યદિદં તપુસ્સભલ્લિકા [તપસ્સુભલ્લિકા (સી. પી.)] વાણિજા’’.

૨૪૯. … દાયકાનં યદિદં સુદત્તો ગહપતિ અનાથપિણ્ડિકો.

૨૫૦. … ધમ્મકથિકાનં યદિદં ચિત્તો ગહપતિ મચ્છિકાસણ્ડિકો.

૨૫૧. … ચતૂહિ સઙ્ગહવત્થૂહિ પરિસં સઙ્ગણ્હન્તાનં યદિદં હત્થકો આળવકો.

૨૫૨. … પણીતદાયકાનં યદિદં મહાનામો સક્કો.

૨૫૩. … મનાપદાયકાનં યદિદં ઉગ્ગો ગહપતિ વેસાલિકો.

૨૫૪. … સઙ્ઘુપટ્ઠાકાનં યદિદં હત્થિગામકો ઉગ્ગતો ગહપતિ.

૨૫૫. … અવેચ્ચપ્પસન્નાનં યદિદં સૂરમ્બટ્ઠો [સૂરો અમ્બટ્ઠો (સી. સ્યા. કં. પી.) સુરેબન્ધો (ક.)].

૨૫૬. … પુગ્ગલપ્પસન્નાનં યદિદં જીવકો કોમારભચ્ચો.

૨૫૭. … વિસ્સાસકાનં યદિદં નકુલપિતા ગહપતીતિ.

વગ્ગો છટ્ઠો.