૧૪. એતદગ્ગવગ્ગો
૧. પઠમવગ્ગો
૧૮૮. ‘‘એતદગ્ગં, ભિક્ખવે, મમ સાવકાનં ભિક્ખૂનં રત્તઞ્ઞૂનં યદિદં અઞ્ઞાસિકોણ્ડઞ્ઞો’’ [અઞ્ઞાતકોણ્ડઞ્ઞોતિ (ક.), અઞ્ઞાકોણ્ડઞ્ઞો (સી. સ્યા. કં. પી.)].
૧૮૯. … મહાપઞ્ઞાનં યદિદં સારિપુત્તો.
૧૯૦. … ઇદ્ધિમન્તાનં યદિદં મહામોગ્ગલ્લાનો.
૧૯૧. … ધુતવાદાનં [ધુતઙ્ગધરાનં (કત્થચિ)] યદિદં મહાકસ્સપો.
૧૯૨. … દિબ્બચક્ખુકાનં યદિદં અનુરુદ્ધો.
૧૯૩. … ઉચ્ચાકુલિકાનં યદિદં ભદ્દિયો કાળિગોધાયપુત્તો.
૧૯૪. … મઞ્જુસ્સરાનં યદિદં લકુણ્ડક [લકુણ્ટક (સ્યા. કં.)] ભદ્દિયો.
૧૯૫. … સીહનાદિકાનં યદિદં પિણ્ડોલભારદ્વાજો.
૧૯૬. … ધમ્મકથિકાનં યદિદં પુણ્ણો મન્તાણિપુત્તો.
૧૯૭. … સંખિત્તેન ભાસિતસ્સ વિત્થારેન અત્થં વિભજન્તાનં યદિદં મહાકચ્ચાનોતિ.
વગ્ગો પઠમો.
૨. દુતિયવગ્ગો
૧૯૮. ‘‘એતદગ્ગં, ભિક્ખવે, મમ સાવકાનં ભિક્ખૂનં મનોમયં કાયં અભિનિમ્મિનન્તાનં યદિદં ચૂળપન્થકો’’ [ચુલ્લપન્થકો (સી. સ્યા. કં. પી.)].
૧૯૯. … ચેતોવિવટ્ટકુસલાનં યદિદં ચૂળપન્થકો.
૨૦૦. … સઞ્ઞાવિવટ્ટકુસલાનં યદિદં મહાપન્થકો.
૨૦૧. … અરણવિહારીનં યદિદં સુભૂતિ.
૨૦૨. … દક્ખિણેય્યાનં યદિદં સુભૂતિ.
૨૦૩. … આરઞ્ઞકાનં યદિદં રેવતો ખદિરવનિયો.
૨૦૪. … ઝાયીનં યદિદં કઙ્ખારેવતો.
૨૦૫. … આરદ્ધવીરિયાનં યદિદં સોણો કોળિવિસો.
૨૦૬. … કલ્યાણવાક્કરણાનં યદિદં સોણો કુટિકણ્ણો.
૨૦૭. … લાભીનં યદિદં સીવલિ.
૨૦૮. … સદ્ધાધિમુત્તાનં યદિદં વક્કલીતિ.
વગ્ગો દુતિયો.
૩. તતિયવગ્ગો
૨૦૯. ‘‘એતદગ્ગં, ભિક્ખવે, મમ સાવકાનં ભિક્ખૂનં સિક્ખાકામાનં યદિદં રાહુલો’’.
૨૧૦. … સદ્ધાપબ્બજિતાનં યદિદં રટ્ઠપાલો.
૨૧૧. … પઠમં સલાકં ગણ્હન્તાનં યદિદં કુણ્ડધાનો.
૨૧૨. … પટિભાનવન્તાનં યદિદં વઙ્ગીસો.
૨૧૩. … સમન્તપાસાદિકાનં યદિદં ઉપસેનો વઙ્ગન્તપુત્તો.
૨૧૪. … સેનાસનપઞ્ઞાપકાનં યદિદં દબ્બો મલ્લપુત્તો.
૨૧૫. … દેવતાનં પિયમનાપાનં યદિદં પિલિન્દવચ્છો.
૨૧૬. … ખિપ્પાભિઞ્ઞાનં યદિદં બાહિયો દારુચીરિયો.
૨૧૭. … ચિત્તકથિકાનં યદિદં કુમારકસ્સપો.
૨૧૮. … પટિસમ્ભિદાપત્તાનં યદિદં મહાકોટ્ઠિતોતિ [મહાકોટ્ઠિકોતિ (અઞ્ઞેસુ સુત્તેસુ મરમ્મપોત્થકે)].
વગ્ગો તતિયો.
૪. ચતુત્થવગ્ગો
૨૧૯. ‘‘એતદગ્ગં, ભિક્ખવે, મમ સાવકાનં ભિક્ખૂનં બહુસ્સુતાનં યદિદં આનન્દો’’.
૨૨૦. … સતિમન્તાનં યદિદં આનન્દો.
૨૨૧. … ગતિમન્તાનં યદિદં આનન્દો.
૨૨૨. … ધિતિમન્તાનં યદિદં આનન્દો.
૨૨૩. … ઉપટ્ઠાકાનં યદિદં આનન્દો.
૨૨૪. … મહાપરિસાનં યદિદં ઉરુવેલકસ્સપો.
૨૨૫. … કુલપ્પસાદકાનં યદિદં કાળુદાયી.
૨૨૬. … અપ્પાબાધાનં યદિદં બાકુલો [બક્કુલો (સી. સ્યા. કં. પી.)].
૨૨૭. … પુબ્બેનિવાસં અનુસ્સરન્તાનં યદિદં સોભિતો.
૨૨૮. … વિનયધરાનં યદિદં ઉપાલિ.
૨૨૯. … ભિક્ખુનોવાદકાનં યદિદં નન્દકો.
૨૩૦. … ઇન્દ્રિયેસુ ગુત્તદ્વારાનં યદિદં નન્દો.
૨૩૧. … ભિક્ખુઓવાદકાનં યદિદં મહાકપ્પિનો.
૨૩૨. … તેજોધાતુકુસલાનં યદિદં સાગતો.
૨૩૩. … પટિભાનેય્યકાનં યદિદં રાધો.
૨૩૪. … લૂખચીવરધરાનં યદિદં મોઘરાજાતિ.
વગ્ગો ચતુત્થો.
૫. પઞ્ચમવગ્ગો
૨૩૫. ‘‘એતદગ્ગં, ભિક્ખવે, મમ સાવિકાનં ભિક્ખુનીનં રત્તઞ્ઞૂનં યદિદં મહાપજાપતિગોતમી’’.
૨૩૬. … મહાપઞ્ઞાનં યદિદં ખેમા.
૨૩૭. … ઇદ્ધિમન્તીનં યદિદં ઉપ્પલવણ્ણા.
૨૩૮. … વિનયધરાનં યદિદં પટાચારા.
૨૩૯. … ધમ્મકથિકાનં યદિદં ધમ્મદિન્ના.
૨૪૦. … ઝાયીનં યદિદં નન્દા.
૨૪૧. … આરદ્ધવીરિયાનં યદિદં સોણા.
૨૪૨. … દિબ્બચક્ખુકાનં યદિદં બકુલા [સકુલા (સી. સ્યા. કં. પી.)].
૨૪૩. … ખિપ્પાભિઞ્ઞાનં યદિદં ભદ્દા કુણ્ડલકેસા.
૨૪૪. … પુબ્બેનિવાસં અનુસ્સરન્તીનં યદિદં ભદ્દા કાપિલાની.
૨૪૫. … મહાભિઞ્ઞપ્પત્તાનં યદિદં ભદ્દકચ્ચાના.
૨૪૬. … લૂખચીવરધરાનં યદિદં કિસાગોતમી.
૨૪૭. … સદ્ધાધિમુત્તાનં યદિદં સિઙ્ગાલકમાતાતિ [સિગાલમાતાતિ (સી. સ્યા. કં. પી.)].
વગ્ગો પઞ્ચમો.
૬. છટ્ઠવગ્ગો
૨૪૮. ‘‘એતદગ્ગં, ભિક્ખવે, મમ સાવકાનં ઉપાસકાનં પઠમં સરણં ગચ્છન્તાનં યદિદં તપુસ્સભલ્લિકા [તપસ્સુભલ્લિકા (સી. પી.)] વાણિજા’’.
૨૪૯. … દાયકાનં યદિદં સુદત્તો ગહપતિ અનાથપિણ્ડિકો.
૨૫૦. … ધમ્મકથિકાનં યદિદં ચિત્તો ગહપતિ મચ્છિકાસણ્ડિકો.
૨૫૧. … ચતૂહિ સઙ્ગહવત્થૂહિ પરિસં સઙ્ગણ્હન્તાનં યદિદં હત્થકો આળવકો.
૨૫૨. … પણીતદાયકાનં યદિદં મહાનામો સક્કો.
૨૫૩. … મનાપદાયકાનં યદિદં ઉગ્ગો ગહપતિ વેસાલિકો.
૨૫૪. … સઙ્ઘુપટ્ઠાકાનં યદિદં હત્થિગામકો ઉગ્ગતો ગહપતિ.
૨૫૫. … અવેચ્ચપ્પસન્નાનં યદિદં સૂરમ્બટ્ઠો [સૂરો અમ્બટ્ઠો (સી. સ્યા. કં. પી.) સુરેબન્ધો (ક.)].
૨૫૬. … પુગ્ગલપ્પસન્નાનં યદિદં જીવકો કોમારભચ્ચો.
૨૫૭. … વિસ્સાસકાનં યદિદં નકુલપિતા ગહપતીતિ.
વગ્ગો છટ્ઠો.
૭. સત્તમવગ્ગો
૨૫૮. ‘‘એતદગ્ગં, ભિક્ખવે, મમ સાવિકાનં ઉપાસિકાનં પઠમં સરણં ગચ્છન્તીનં યદિદં સુજાતા સેનિયધીતા’’ [સેનાની ધીતા (સી. સ્યા. કં. પી.)].
૨૫૯. … દાયિકાનં યદિદં વિસાખા મિગારમાતા.
૨૬૦. … બહુસ્સુતાનં યદિદં ખુજ્જુત્તરા.
૨૬૧. … મેત્તાવિહારીનં યદિદં સામાવતી.
૨૬૨. … ઝાયીનં યદિદં ઉત્તરાનન્દમાતા.
૨૬૩. … પણીતદાયિકાનં યદિદં સુપ્પવાસા કોલિયધીતા.
૨૬૪. … ગિલાનુપટ્ઠાકીનં યદિદં સુપ્પિયા ઉપાસિકા.
૨૬૫. … અવેચ્ચપ્પસન્નાનં યદિદં કાતિયાની.
૨૬૬. … વિસ્સાસિકાનં યદિદં નકુલમાતા ગહપતાની.
૨૬૭. … અનુસ્સવપ્પસન્નાનં યદિદં કાળી ઉપાસિકા કુલઘરિકા [કુલઘરિકા (ક.)] તિ.
વગ્ગો સત્તમો.
એતદગ્ગવગ્ગો ચુદ્દસમો.