५. रूपधातुकथावण्णना

५१५-५१६. रूपधातूति वचनतोति ‘‘कामधातुरूपधातुअरूपधातू’’ति एत्थ रूपधातूति वुत्तत्ता. रूपीधम्मेहेवाति रुप्पनसभावेहियेव धम्मेहि. ‘‘तयोमे भवा’’तिआदिना परिच्छिन्नाति तयोमे भवा, तिस्सो धातुयोति च एवं परिच्छिन्ना. ‘‘धातुया आगतट्ठाने भवेन परिच्छिन्दितब्बं, भवस्स आगतट्ठाने धातुया परिच्छिन्दितब्ब’’न्ति हि वुत्तं, तस्मा कामरूपारूपावचरधम्माव तंतंभुम्मभावेन परिच्छिन्ना एवं वुत्ता.

रूपधातुकथावण्णना निट्ठिता.