१०. विपाकोविपाकधम्मधम्मोतिकथावण्णना

५०१. विपाको विपाकस्स पच्चयो होन्तो अञ्ञमञ्ञपच्चयो होतीति अधिप्पायेनाह ‘‘यस्स विपाकस्स विपाको अञ्ञमञ्ञपच्चयो होती’’ति. ‘‘तप्पच्चयापि अञ्ञस्स विपाकस्स उप्पत्तिं सन्धाया’’तिआदिवचनतो पन जातिजरामरणादीनं उपनिस्सयपच्चयोति सक्का विञ्ञातुं. पुरिमपटिञ्ञायाति ‘‘विपाको विपाकधम्मधम्मो’’ति पटिञ्ञाय. इमस्स चोदनस्साति ‘‘विपाको च विपाकधम्मधम्मो चा’’तिआदिना पवत्तस्स चोदनस्स.

विपाकोविपाकधम्मधम्मोतिकथावण्णना निट्ठिता.

सत्तमवग्गवण्णना निट्ठिता.