६. इतोदिन्नकथावण्णना

४८८-४९१. तेनेव चीवरादिदानेनाति अनुमोदनं विना दायकेन पवत्तितचीवरादिदानेन. तेनाह ‘‘सयंकतेन कम्मुना विनापी’’ति. इमिना कारणेनाति अनुमोदितत्ताव तेसं तत्थ भोगा उप्पज्जन्तीति एतेन कारणेन. यदि यन्तिआदि परवादिनो लद्धिपतिट्ठापनाकारदस्सनं. तत्थ यदि न यापेय्युं, कथं अनुमोदेय्युं, चित्तं पसादेय्युं , पीतिं उप्पादेय्युं, सोमनस्सं पटिलभेय्युन्ति एकच्चे अञ्ञे पेते अनुमोदनादीनि कत्वा यापेन्ते दिस्वा अनुमोदनादीनि करोन्ति, तस्मा ते इतो दिन्नेन यापेन्तीति अधिप्पायो.

इतोदिन्नकथावण्णना निट्ठिता.