९. पटुप्पन्नञाणकथावण्णना

४४१-४४२. ‘‘सब्बसङ्खारेसु अनिच्चतो दिट्ठेसू’’ति वुत्ते यं दस्सनभूतं ञाणं, तम्पि सङ्खारसभावत्ता तथादिट्ठं सियाति अत्थतो आपज्जति, एवंभूतं वचनं सन्धायाह ‘‘अत्थतो आपन्नं वचन’’न्ति. तं पन यस्मा ‘‘तम्पि ञाणं अनिच्चतो दिट्ठं होती’’ति पटिजाननवसेन पवत्तं, तस्मा ‘‘अनुजाननवचन’’न्ति वुत्तं. भङ्गानुपस्सनानं पबन्धवसेन पवत्तमानानं.

पटुप्पन्नञाणकथावण्णना निट्ठिता.