१४. अभिञ्ञानुयोगवण्णना

१९३. विकुब्बतीति एत्थ इति-सद्दो आदिअत्थो, पकारत्थो वा. तेन ‘‘दिब्बाय सोतधातुया सद्दं सुणाती’’तिआदिकं सङ्गण्हाति. अभिञ्ञानुयोगो दट्ठब्बोति योजना. तदभिञ्ञावतोति आसवक्खयाभिञ्ञावतो. अरहतो साधनन्ति अरहतो सच्चिकट्ठपरमत्थेन पुग्गलत्ताभावसाधनं. तब्भावस्साति अरहत्तस्स. अरहत्तधारानञ्हि खन्धा नाम पुग्गलत्तं तस्सपि होतीति.

अभिञ्ञानुयोगवण्णना निट्ठिता.