१. कप्पट्ठकथावण्णना

६५४-६५७. ‘‘हेट्ठा वुत्ताधिप्पायमेवा’’ति इदं इद्धिबलकथायं यं वुत्तं ‘‘अतीतं अनागतन्ति इदं अविसेसेन कप्पं तिट्ठेय्याति पटिञ्ञातत्ता चोदेती’’तिआदि, तं सन्धाय वुत्तन्ति आह ‘‘हेट्ठाति इद्धिबलकथाय’’न्ति. तत्थ ‘‘द्वे कप्पे’’तिआदिआयुपरिच्छेदातिक्कमसमत्थताचोदनावसेन आगता, इध पन सङ्घभेदको आयुकप्पमेव अट्ठत्वा यदि एकं महाकप्पं तिट्ठेय्य, यथा एकं, एवं अनेकेपि कप्पे तिट्ठेय्याति चोदना कातब्बा.

कप्पट्ठकथावण्णना निट्ठिता.