२. दुकनिद्देसवण्णना

६३. कस्सचीति कस्सचिपि. कथञ्चीति केनचि पकारेन, विक्खम्भनमत्तेनापीति वुत्तं होति. अज्झत्तग्गहणस्साति अत्तानं अधिकिच्च उद्दिस्स पवत्तग्गाहस्स.

८३. पुरिमग्गहितन्ति ‘‘करिस्सति मे’’तिआदिना चित्तेन पठमं गहितं. तं कतन्ति तं तादिसं उपकारं. पुञ्ञफलं उपजीवन्तो कतञ्ञुपक्खे तिट्ठतीति वुत्तं ‘‘पुञ्ञफलं अनुपजीवन्तो’’ति.

९०. गुणपारिपूरिया परिपुण्णो यावदत्थो इध तित्तोति आह ‘‘निट्ठितकिच्चताय निरुस्सुक्को’’ति.

दुकनिद्देसवण्णना निट्ठिता.