७. निसीदनसिक्खापदवण्णना

५३१. सत्तमे यं वत्तब्बं, तं निसीदनसन्थतसिक्खापदे वुत्तमेव. निसीदनस्स पमाणातिक्कन्तता, अत्तनो अत्थाय करणं वा कारापेत्वा वा पटिलाभोति इमानि पनेत्थ द्वे अङ्गानि.

निसीदनसिक्खापदवण्णना निट्ठिता.

५३७-५४२. अट्ठमनवमदसमेसु नत्थि वत्तब्बं, अङ्गानिपि सत्तमेव वुत्तनयेनेव वेदितब्बानि.

निट्ठितो राजवग्गो नवमो.

इति समन्तपासादिकाय विनयट्ठकथाय सारत्थदीपनियं

खुद्दकवण्णना समत्ता.

पाचित्तियकण्डं निट्ठितं.