६. दुतियपवारणासिक्खापदवण्णना

२४३. छट्ठे साधारणमेवाति ‘‘हन्द भिक्खु खाद वा’’तिआदिना वुत्तपवारणाय साधारणं. ‘‘भुत्तस्मिं पाचित्तिय’’न्ति मातिकायं वुत्तत्ता भोजनपरियोसाने आपत्ति, न अज्झोहारे अज्झोहारे. अभिहट्ठुं पवारेति, आपत्ति पाचित्तियस्साति इदञ्च भोजनपरियोसानंयेव सन्धाय वुत्तन्ति वेदितब्बं. सेसमेत्थ उत्तानमेव. पवारितता, पवारितसञ्ञिता, आसादनापेक्खता, अनतिरित्तेन अभिहट्ठुं पवारणा, भोजनपरियोसानन्ति इमानि पनेत्थ पञ्च अङ्गानि.

दुतियपवारणासिक्खापदवण्णना निट्ठिता.