७. महापेसकारसिक्खापदवण्णना

६४२. सत्तमे ‘‘किञ्चिमत्तं अनुपदज्जेय्या’’ति इदं पयोगभेददस्सनं, दानं पनेत्थ अङ्गं न होति. तेनेव तस्स विभङ्गे ‘‘अन्तमसो धम्मम्पि भणती’’ति वुत्तं. सेसमेत्थ उत्तानमेव. अञ्ञातकअप्पवारितानं तन्तवाये उपसङ्कमित्वा विकप्पमापज्जनता, चीवरस्स अत्तुद्देसिकता, तस्स वचनेन सुत्तवड्ढनं, चीवरपटिलाभोति इमानेत्थ चत्तारि अङ्गानि.

महापेसकारसिक्खापदवण्णना निट्ठिता.