७. महानामसिक्खापदवण्णना

३१०. कालन्ति सो. यस्मा सङ्घपवारणायमेवायं विधि, तस्मा ‘‘ञातकानं पवारितान’’न्ति वुत्तं. ‘‘इमिना हि तया पवारितम्ह, अम्हाकञ्च इमिना च इमिना च अत्थो’’ति यथाभूतं आचिक्खित्वा विञ्ञापेतुं गिलानोव लभति. यं पन वुत्तं पणीतभोजनसिक्खापदे ‘‘महानामसिक्खापदेन कारेतब्बो’’ति, तं सङ्घवसेन पवारितं, भेसज्जत्थाय सप्पिआदिभेसज्जपञ्चकं विञ्ञापेति चे, ‘‘न भेसज्जेन करणीयेन भेसज्जं विञ्ञापेती’ति वचनेन पाचित्तियन्ति अत्थो’’ति (पाचि. ३०९) लिखितं.

महानामसिक्खापदवण्णना निट्ठिता.