३. भिक्खुसुत्तवण्णना

३६९. यस्मा सो भिक्खु ‘‘देसेतु मे, भन्ते, भगवा संखित्तेन धम्म’’न्ति संखित्तेन धम्मदेसनं याचि, तस्स संखित्तरुचिभावतो, तस्मा संखित्तेनेव धम्मं देसेतुकामो भगवा ‘‘तस्मातिहा’’तिआदिमाहाति वुत्तं – ‘‘यस्मा संखित्तेन देसनं याचसि, तस्मा’’ति. कम्मस्सकतादिट्ठिकस्सेव लोकियलोकुत्तरगुणविसेसा इज्झन्ति, न दिट्ठिविपन्नस्स, तस्मा वुत्तं ‘‘दिट्ठीति कम्मस्सकतादिट्ठी’’ति.