३. जातरूपसुत्तवण्णना

११५३. अञ्ञेपि उग्गहापने उपनिक्खित्तसादियने च पटिग्गहणत्थो लब्भतीति आह – ‘‘न उग्गण्हापेन्ति, न उपनिक्खित्तं सादियन्ती’’ति. अथ वा तिविधं पटिग्गहणं कायेन वाचाय मनसाति. तत्थ कायेन पटिग्गहणं उग्गहणं, वाचाय पटिग्गहणं उग्गहापणं, मनसा पटिग्गहणं सादियनं. तिविधम्पि पटिग्गहणं सामञ्ञनिद्देसेन, एकसेसनयेन वा गहेत्वा ‘‘पटिग्गहणा’’ति वुत्तन्ति आह – ‘‘नेव नं उग्गण्हन्ती’’तिआदि. एस नयो ‘‘आमकधञ्ञपटिग्गहणा’’तिआदीसुपि.