४. सीसपावनवग्गो

३. दण्डसुत्तवण्णना

११०१. पुनप्पुनं वट्टस्मिंयेव निब्बत्तन्ति अदिट्ठत्ता चतुन्नं अरियसच्चानं.

५. सत्तिसतसुत्तवण्णना

११०५. भवेय्य चेति दुक्खदोमनस्सानि अज्झुपेक्खित्वा सहितेहि तेहि सच्चाभिसमयो भवेय्याति एवं परिकप्पना न कातब्बाति.

९. इन्दखीलसुत्तवण्णना

११०९. अज्झासयन्ति सस्सतादिभेदं अज्झासयं. सो हि ‘‘इदमेव सच्चं मोघमञ्ञ’’न्ति गाहस्स मुखभूतत्ता मुखन्ति अधिप्पेतो. तञ्च अपरे अदिट्ठसच्चा ओलोकेन्ति, दिट्ठसच्चा पन नेव ओलोकेन्ति.

१०. वादत्थिकसुत्तवण्णना

१११०. कुक्कुको पमाणमज्झिमस्स पुरिसस्स हत्थोति अत्थो. कुक्कूति तस्सेव नामं.

सीसपावनवग्गवण्णना निट्ठिता.