५-९. बन्धनसुत्तादिवण्णना

११७-१२१. तीरं वुच्चति वट्टं ओरिमतीरन्ति कत्वा. तेनाह ‘‘अथायं इतरा पजा, तीरमेवानुधावती’’ति (ध. प. ८५). पारं वुच्चति निब्बानं संसारस्स पारिमन्ति कत्वा. बद्धोति अनुसयप्पहानस्स अकतत्ता किलेसबन्धनेन बद्धो, सुक्कपक्खेपि दिट्ठिसमनुपस्सनाय रूपादिबन्धनस्स पटिक्खेपमत्तमेव वुत्तं, न विमोक्खन्ति अधिप्पायो. इमस्मिं सुत्ते वट्टदुक्खं कथितन्ति ‘‘तीरदस्सी पारदस्सी, परिमुत्तो सो दुक्खस्माति वदामी’’ति आगतत्ता वट्टविवट्टं कथिकन्ति वत्तुं सक्का.

छट्ठादीनि उत्तानत्थानेव हेट्ठा वुत्तनयत्ता.

बन्धनसुत्तादिवण्णना निट्ठिता.