४. वेदनानानत्तसुत्तवण्णना

८८. सब्बापि तस्मिं द्वारे वेदना वत्तेय्युं चक्खुसम्फस्सवेदना उपनिस्सयपच्चयभाविता. निब्बत्तिफासुकत्थन्ति निब्बत्तिया उपनिस्सयभावेन पवत्तिया दस्सनसुखत्थं. सम्पटिच्छनवेदनमेव गहेतुं वट्टति, ताय गहिताय इतरासं गहणं ञायागतमेवाति. वुत्तं पोराणट्ठकथायं. आवज्जनसम्फस्सन्ति आवज्जनमनोसम्फस्सं. अनन्तरूपनिस्सयभूतं पटिच्च पठमजवनवसेन उप्पज्जतीति योजना. अयमधिप्पायो उपनिस्सयस्स अधिप्पेतत्ता.

वेदनानानत्तसुत्तवण्णना निट्ठिता.