३. सकलिकसुत्तवण्णना

१४९. मन्दभावेनाति जळभावेन मोमूहभावेनाति महामूळ्हताय. कब्बकरणेन मत्तोति कब्बकिरियापसुततादिवसेन मत्तो कब्बं कत्वा. किमिदं सोप्पसेवाति इदं तव सोप्पं किमत्थं, पुरिसेन नाम पुरिसत्तकरेन भवितब्बं, न सोप्पतियेव. अत्थं समागन्त्वाति परमत्थं निब्बानं सम्मा आगन्त्वा अधिगन्त्वा. असङ्ग…पे… नत्थि सब्बसो सिद्धत्थभावतो. जग्गन्तोति जागरन्तो पुरिसो विय, न भायामि भयहेतूनं अभावा. नानुतपन्ति सब्बत्थ सब्बदापि विस्सट्ठभावतो, मामन्ति ममं. गाथासुखत्थञ्हि दीघं कत्वा वुत्तं. ठितत्ताति उद्देसपरिपुच्छाय परिच्छिज्जत्ता. हानिन्ति कस्सचि जानिं.

सकलिकसुत्तवण्णना निट्ठिता.