६. छट्ठसिक्खापदं

९०९. छट्ठे ‘‘अञ्ञं परिक्खार’’न्तिएत्थ परिक्खारस्स सरूपं दस्सेन्तो आह ‘‘यंकिञ्ची’’तिआदि. यंकिञ्चि अञ्ञतरन्ति सम्बन्धो. कित्तकंअग्घनकन्ति किं पमाणेन अग्घेन अरहं चीवरं. दातुकामत्थाति तुम्हे दातुकामा भवथाति अत्थो. कतिपाहेनाति कतिपयानि अहानि कतिपाहं, यकारलोपो. कतिपयसद्दोहि द्वितिवाचको रूळ्हीसद्दो, तेन कतिपाहेन. समग्घन्ति अप्पग्घं. संसद्दो हि अप्पत्थवाचकोति. छट्ठं.