९. नवमसङ्घादिसेससिक्खापदं

७२३. नवमे संसट्ठसद्दो मिस्सपरियायोति आह ‘‘मिस्सीभूता’’ति. ‘‘अननुलोमेना’’तिइमिना ‘‘अननुलोमिकेना’’ति एत्थ इकसद्दो स्वत्थोति दस्सेति. कोट्टनञ्च पचनञ्च गन्धपिसनञ्च मालागन्थनञ्च. आदिसद्देन अञ्ञेपि अननुलोमिके कायिके सङ्गण्हाति. सासनाहरणञ्च पटिसासनहरणञ्च सञ्चरित्तञ्च. आदिसद्देन अञ्ञेपि अननुलोमिके वाचसिके सङ्गण्हाति. एतासन्ति भिक्खुनीनं. सिलोकोति यसोति. नवमं.