५. पञ्चमसिक्खापदं

१०४३. पञ्चमे ‘‘कुले मच्छरो’’ति एत्थ मच्छरनं मच्छरोति वचनत्थो कातब्बो. ‘‘तं कुलं अस्सद्धं अप्पसन्न’’न्ति कुलस्स अवण्णं भासतीति योजना. ‘‘भिक्खुनियो दुस्सीला पापधम्मा’’ति भिक्खुनीनं अवण्णं भासतीति योजना.

१०४५. ‘‘सन्तंयेव आदीनव’’न्ति सम्बन्धिया सम्बन्धं दस्सेतुं वुत्तं ‘‘कुलस्स वा भिक्खुनीनं वा’’ति इमिना द्वीसु अञ्ञतरमेव न सम्बन्धो होति, अथ खो द्वयम्पीति दस्सेतीति. पञ्चमं.