१०. दसमसिक्खापदं

१०६२. दसमे द्वे काया उपरिमकायो हेट्ठिमकायोति. तत्थ कटितो उद्धं उपरिमकायो, हेट्ठा हेट्ठिमकायो. तत्थ ‘‘पसाखे’’ति इदं हेट्ठिमकायस्स नामन्ति आह ‘‘अधोकाये’’ति. हीति सच्चं. ततोति अधोकायतो. इमिना पञ्चमीबाहिरत्थसमासं दस्सेति. रुक्खस्स साखा पभिज्जित्वा गता विय उभो ऊरू पभिज्जित्वा गताति योजना.

१०६५. फालेहीति एत्थ इतिसद्दो आद्यत्थो. तेन ‘‘धोवा’’तिआदीनि चत्तारि पदानि सङ्गण्हाति. आणत्तिदुक्कटानीति हेट्ठा वुत्तेसु अट्ठसु दुक्कटेसु विनयदुक्कटमेव. सेसेसूति भिन्दनतो सेसेसु फालनादीसूति. दसमं.

आरामवग्गो छट्ठो.