४. आमिससिक्खापदं

१६४. चतुत्थे बहुं मानं कतं येहीति बहुकता. बहुकता हुत्वा न ओवदन्तीति अत्थं दस्सेन्तो आह ‘‘न बहुकता’’तिआदि. धम्मेति सीलादिधम्मे. अधिप्पायोति ‘‘न बहुकता’’तिपदस्स, छब्बग्गियानं वा अधिप्पायोति योजना. ‘‘कत्तुकामोति आदीन’’न्तिपदं ‘‘अत्थो’’तिपदे वाचकसम्बन्धो.

असम्मतो नाम ठपितो वेदितब्बोति योजना. सम्मुतिन्ति भिक्खुनोवादकसम्मुतिं. पच्छा सामणेरभूमियं ठितोति योजनाति. चतुत्थं.