४७. सुद्धिनिद्देसो

सुद्धीति –

४५५. देसना संवरो एट्ठिपच्चवेक्खण भेदतो;

सुद्धी चतुब्बिधा पातिमोक्खसंवरसम्मतं;

देसनाय विसुद्धत्ता, देसनासुद्धि वुच्चति.

४५६. ‘‘न पुनेवं करिस्स’’न्ति, चित्ताधिट्ठानसंवरा;

वुत्तो संवरसुद्धीति, सुज्झतिन्द्रियसंवरो.

४५७. पहायानेसनं धम्मेनुप्पादेन्तस्स एट्ठिया;

सुद्धत्ता एट्ठिसुद्धीति, वुत्तमाजीवनिस्सितं.

४५८. योनिसो पटिसङ्खाय, चीवरं पटिसेवति;

एवमादियथावुत्त-पच्चवेक्खणसुज्झना;

पच्चवेक्खणसुद्धीति, वुत्तं पच्चयनिस्सितन्ति.