२२. उपाहननिद्देसो

उपाहना चेवाति –

१७५. मज्झदेसे न कप्पन्ति, गणङ्गणूपाहना नवा;

सब्बस्स कप्पन्तारामे, सब्बत्थाकल्लकस्स च.

१७६. सब्बनीलकओदातपीतलोहितकण्हका;

महारङ्गमहानाम-रङ्गरत्ता चुपाहना.

१७७. सब्बमञ्जेट्ठिका चित्रा, नीलपीतादिवद्धिका;

तित्तिरपत्तिका मेण्ड-अजविसाणवद्धिका.

१७८. खल्लबद्धा पुटबद्धा, तूलपुण्णा चुपाहना;

पालिगुण्ठिमका मोर-पिञ्छेन परिसिब्बिता.

१७९. विच्छिकाळिकता सीहब्यग्घुद्दाजिनदीपिनं;

मज्जारकाळकोलूकचम्मेहि च परिक्खटा;

पादुका सङ्कमनीया, कोचि धारेय्य दुक्कटं.

१८०. नीलादिवण्णं सकलं, पुञ्छित्वा वेकदेसकं;

उपाहना वळञ्जेय्य, हारेत्वा खल्लकादिकन्ति.