११. निस्सग्गियनिद्देसो

निस्सग्गियानीति –

११६. अरूपियं रूपियेन, रूपियं इतरेन च;

रूपियं परिवत्तेय्य, निस्सग्गि इध रूपियं.

११७. कहापणो सज्झु सिङ्गी, वोहारूपगमासकं;

वत्थमुत्तादि इतरं, कप्पं दुक्कटवत्थु च.

११८. ‘‘इमं गहेत्वा भुत्वा वा, इमं देहि करानय;

देमि वा’’ति समापन्ने, निस्सग्गि कयविक्कये.

११९. अत्तनो अञ्ञतो लाभं, सङ्घस्सञ्ञस्स वा नतं;

परिणामेय्य निस्सग्गि, पाचित्ति चापि दुक्कटं.

१२०. अनिस्सज्जित्वा निस्सग्गिं, परिभुञ्जे न देय्य वा;

निस्सट्ठं सकसञ्ञाय, दुक्कटं अञ्ञथेतरन्ति.