१२. परिणामनसिक्खापदवण्णना

एको भिक्खु उक्खित्तकस्स दातुकामो होति, तस्स दानं निवारेत्वा अञ्ञस्स दापेति, अनापत्ति. तथा सद्धादेय्यविनिपातनं करोन्तस्स दापेति, अत्तनो निस्सितका इत्थन्नामस्स पत्तं दातुकामा आपुच्छन्ति, ‘‘विसभागो एसो, सभागस्स देही’’ति वदति. अनापत्ति अत्तनो भारभूतत्ता. तस्स पन दातुकामं अञ्ञस्स दापेति, आपत्ति एव. सब्बत्थ आपुच्छित्वा दातुकामं यथासुखं विचारेतुं लभति.

परिणामनसिक्खापदवण्णना निट्ठिता.

सहधम्मिकवग्गो अट्ठमो.