३. द्वेभागसिक्खापदवण्णना

‘‘तुलयित्वा’’ति वचनतो यथा तुलाधारणाय काळकाधिका न होन्ति, तथा काळकानं द्वे भागा गहेतब्बा उक्कट्ठपरिच्छेदेन. ‘‘एकस्सापि काळकलोमस्स अतिरेकभावे निस्सग्गियन्ति वचनं तुलाधारणाय किञ्चापि न समेति, अचित्तकत्ता पन सिक्खापदस्स पुब्बे तुलाय धारयित्वा ठपितेसु एकम्पि लोमं तत्थ पतेय्य, निस्सग्गियन्ति अयमधिप्पायोति नो तक्को’’ति आचरियो. वुत्तपरिच्छेदेन अग्गहणं अकिरिया, सन्थतकरणं किरिया.

द्वेभागसिक्खापदवण्णना निट्ठिता.