७. आमकधञ्ञसिक्खापदवण्णना

तस्माति यस्मा विञ्ञत्ति चेव भोजनञ्च पमाणं, तस्मा. न केवलञ्चेत्थ पटिग्गहणेयेव दुक्कटं होति, पटिग्गण्हित्वा पन अरञ्ञतो आहरणेपि सुक्खापनेपि वद्दलिदिवसे भज्जनत्थाय उद्धनसज्जनेपि कपल्लसज्जनेपि दब्बिसज्जनेपि दारूनि आदाय अग्गिकरणेपि कपल्लम्हि धञ्ञपक्खिपनेपि दब्बिया सङ्घट्टनेसुपि कोट्टनत्थं उदुक्खलमुसलादिसज्जनेसुपि कोट्टनपप्फोटनधोवनादीसुपि याव मुखे ठपेत्वा अज्झोहरणत्थं दन्तेहि सङ्खादति, ताव सब्बप्पयोगेसु दुक्कटानीति आह ‘‘पटिग्गहणतो पट्ठाय याव दन्तेहि संखादनं, ताव पुब्बप्पयोगेसु दुक्कटानी’’ति.

आमकधञ्ञसिक्खापदवण्णना निट्ठिता.