५. उदकसुद्धिकसिक्खापदवण्णना

आदातब्बन्ति पवेसेतब्बं. अग्गपब्बन्ति केसग्गमत्तम्पि अग्गपब्बं. ततियं पब्बं पवेसेतीति केसग्गमत्तम्पि ततियं पब्बं पवेसेति. वुत्तञ्हेतं समन्तपासादिकायं (पाचि. अट्ठ. ८१२) ‘‘गम्भीरतो द्विन्नं पब्बानं उपरि केसग्गमत्तम्पि पवेसेन्तिया पाचित्तिय’’न्ति.

अतिगम्भीरं उदकसुद्धिकं आदियनवत्थुस्मिन्ति अतिअन्तो पवेसेत्वा उदकधोवनकरणवत्थुस्मिं. उदकसुद्धिपच्चयेन (सारत्थ. टी. पाचित्तिय ३.८१२) पन सतिपि फस्सस्सादियने यथावुत्तपरिच्छेदे अनापत्ति.

उदकसुद्धिकसिक्खापदवण्णना निट्ठिता.