४. पहारसिक्खापदवण्णना

चतुत्थे पहारं ददेय्याति एत्थ पहरितुकामताय पहारे दिन्ने सचेपि मरति, पाचित्तियमेव.

सावत्थियं छब्बग्गिये आरब्भ पहारदानवत्थुस्मिं पञ्ञत्तं, साधारणपञ्ञत्ति, अनाणत्तिकं, तिकपाचित्तियं, अनुपसम्पन्ने तिकदुक्कटं, विरूपकरणाधिप्पायेन पन उपसम्पन्नस्सपि कण्णादिच्छेदने दुक्कटमेव. केनचि विहेठियमानस्स पन मोक्खाधिप्पायस्स, उम्मत्तकादीनञ्च अनापत्ति. कुपितता, न मोक्खाधिप्पायता, उपसम्पन्नस्स पहारदानन्ति इमानेत्थ तीणि अङ्गानि. समुट्ठानादीनि पठमपाराजिकसदिसानि, इदं पन दुक्खवेदनन्ति.

पहारसिक्खापदवण्णना निट्ठिता.