६. दुतियसहसेय्यसिक्खापदवण्णना

छट्ठे मातुगामेनाति अन्तमसो तदहुजातायपि मनुस्सित्थिया. दिस्समानरूपा पन यक्खिपेतियो पण्डको मेथुनवत्थुभूता च तिरच्छानित्थियो इध दुक्कटवत्थुका होन्ति.

सावत्थियं आयस्मन्तं अनुरुद्धत्थेरं आरब्भ मातुगामेन सहसेय्यवत्थुस्मिं पञ्ञत्तं, सेसं अनन्तरसिक्खापदे वुत्तनयेनेव वेदितब्बं अञ्ञत्र रत्तिपरिच्छेदा, तत्र हि चतुत्थदिवसे आपत्ति, इध पन पठमदिवसेपीति.

दुतियसहसेय्यसिक्खापदवण्णना निट्ठिता.