६. अनापुच्छाअभिनिसीदनसिक्खापदवण्णना

छट्ठे पच्छाभत्तन्ति मज्झन्हिके वीतिवत्ते याव सूरियस्स अत्थङ्गमा. अभिनिसीदेय्य वाति आदिम्हि निसीदित्वा गच्छन्तिया एका आपत्ति, अनिसीदित्वा निपज्जित्वाव गच्छन्तियापि एका, निसीदित्वा निपज्जन्तिया द्वे.

सावत्थियं थुल्लनन्दं आरब्भ आसने अभिनिसीदनवत्थुस्मिं पञ्ञत्तं, सेसं पञ्चमसदिसमेव. यथा पन तत्थ असंहारिमे, एवमिध धुवपञ्ञत्ते अनापत्तीति.

अनापुच्छाअभिनिसीदनसिक्खापदवण्णना निट्ठिता.