१३. कम्मपच्चयनिद्देसवण्णना

१३. चेतनासम्पयुत्तकम्मं अभिज्झादि कम्मपच्चयो न होतीति ‘‘चेतनाकम्ममेवा’’ति आह. सतिपि हि विपाकधम्मधम्मत्ते न चेतनावज्जा एवंसभावाति. अत्तनो फलं उप्पादेतुं समत्थेनाति कम्मस्स समत्थता तस्स कम्मपच्चयभावो वुत्ताति दट्ठब्बा.

पञ्चवोकारेयेव, न अञ्ञत्थाति एतेन कामावचरचेतना एकवोकारे रूपम्पि न जनेतीति दस्सेति.

कम्मपच्चयनिद्देसवण्णना निट्ठिता.