३. कामगुणकथावण्णना

५१०. कामभवस्स कमनट्ठेन कामभवभावो सब्बेपि कामावचरा खन्धादयो कामभवोति इमिना अधिप्पायेन दट्ठब्बो. उपादिन्नक्खन्धानमेव पन कामभवभावो धातुकथायं दस्सितो, न कमनट्ठेन कामभवभावो. ‘‘पञ्चिमे, भिक्खवे, कामगुणा’’ति वचनमत्तं निस्सायाति पञ्चेव कामकोट्ठासा ‘‘कामो’’ति वुत्ताति कामधातूतिवचनं न अञ्ञस्स नामन्ति इमिना अधिप्पायेनेवं वचनमत्तं निस्सायाति अत्थो.

कामगुणकथावण्णना निट्ठिता.