१०. विपाकोविपाकधम्मधम्मोतिकथावण्णना

५०१. तप्पच्चयापीति यस्स विपाकस्स विपाको अञ्ञमञ्ञपच्चयो होति तप्पच्चयापि अञ्ञमञ्ञपच्चयभूततोपीति अधिप्पायो. सो हीतिआदिना पुरिमपटिञ्ञाय इमस्स चोदनस्स कारणभावं दस्सेति. अञ्ञमञ्ञपच्चयादीसु पच्चयट्ठेनाति आदि-सद्देन सहजातादिपच्चये सङ्गण्हित्वा तेसु तेन तेन पच्चयभावेनाति दस्सेति.

विपाकोविपाकधम्मधम्मोतिकथावण्णना निट्ठिता.

सत्तमवग्गवण्णना निट्ठिता.