१. अनुलोमपच्चनीकवण्णना

११. सब्बत्थाति सब्बस्मिं सरीरेति अयमत्थोति दस्सेन्तो आह ‘‘सरीरं सन्धाया’’ति. तत्थाति तस्मिं संखित्तपाठे. यस्मा सरीरं सन्धाय ‘‘सब्बत्थ न उपलब्भती’’ति वुत्ते सरीरतो बहि उपलब्भतीति आपज्जति, तस्मा पच्चनीके पटिक्खेपो सकवादिस्साति एतेन न केनचि सभावेन पुग्गलो उपलब्भतीति अयमत्थो वुत्तो होति. न हि केनचि सभावेन उपलब्भमानस्स सरीरतदञ्ञाविमुत्तो उपलद्धिओकासो अत्थीति.