३-७. इस्सरियकामकारिकाकथावण्णना

९१०-९१४. इस्सरियेन यथाधिप्पेतस्स करणं इस्सरियकामकारिका. गच्छेय्याति गब्भसेय्योक्कमनं गच्छेय्य. इस्सरियकामकारिकाहेतु नाम दुक्करकारिका मिच्छादिट्ठिया करीयतीति एत्थ दुक्करकारिका नाम इस्सरियकामकारिकाहेतु करियमाना मिच्छादिट्ठिया करीयतीति अत्थो दट्ठब्बो, इस्सरियकामकारिकाहेतु नाम विना मिच्छादिट्ठिया करियमाना नत्थीति वा.

इस्सरियकामकारिकाकथावण्णना निट्ठिता.