१४. अभिञ्ञानुयोगवण्णना

१९३. अभिञ्ञानुयोगादिवसेन अरहत्तसाधनाति एत्थ ‘‘ननु अत्थि कोचि इद्धिं विकुब्बती’’ति अभिञ्ञाअनुयोगो च ‘‘हञ्चि अत्थि कोचि इद्धिं विकुब्बती’’ति ठपना च ‘‘तेन वत रे’’तिआदि पापना च आदिसद्दसङ्गहितो अत्थोव दट्ठब्बो. आसवक्खयञाणं पनेत्थ अभिञ्ञा वुत्ताति तदभिञ्ञावतो अरहतो साधनं ‘‘अरहत्तसाधना’’ति आह. अरहतो हि साधना तब्भावस्स च साधना होतियेवाति.

अभिञ्ञानुयोगवण्णना निट्ठिता.