९. रूपंरूपावचरारूपावचरन्तिकथावण्णना

७६८-७७०. रूपंरूपावचरारूपावचरन्तिकथायं हेट्ठाति चुद्दसमवग्गे आगतपरियापन्नकथायं (कथा. अट्ठ. ७०३-७०५). ‘‘समापत्तेसिय’’न्तिआदि वुत्तनयमेव. यञ्चेत्थ ‘‘अत्थि रूपं अरूपावचर’’न्ति अरूपावचरकम्मस्स कतत्ता रूपं वुत्तं, तत्थ च यं वत्तब्बं, तं अट्ठमवग्गे अरूपेरूपकथायं (कथा. अट्ठ. ५२४-५२६) वुत्तनयमेवाति.

रूपंरूपावचरारूपावचरन्तिकथावण्णना निट्ठिता.

सोळसमवग्गवण्णना निट्ठिता.