११. कम्मूपचयकथावण्णना

७३८-७३९. कम्मेन सहजातोति पञ्हेसु ‘‘कम्मूपचयं सन्धाय पटिक्खिपति, चित्तविप्पयुत्तं सन्धाय पटिजानाती’’ति कत्थचि पाठो, ‘‘चित्तसम्पयुत्तं सन्धाय पटिक्खिपति, चित्तविप्पयुत्तं सन्धाय पटिजानाती’’ति अञ्ञत्थ. उभयम्पि विचारेतब्बं.

७४१. तस्माति तिण्णम्पि एकक्खणे सब्भावतो तिण्णं फस्सानञ्च समोधाना च एकत्तं पुच्छतीति अधिप्पायो दट्ठब्बो.

कम्मूपचयकथावण्णना निट्ठिता.

पन्नरसमवग्गवण्णना निट्ठिता.

ततियो पण्णासको समत्तो.