९. धम्मतण्हाअब्याकतातिकथावण्णना

६७६-६८०. यस्मा धम्मतण्हाति वुत्ता, तस्मा अब्याकताति कुसलेसु धम्मेसु लोकुत्तरेसु वा सब्बेसु तण्हा ‘‘धम्मतण्हा’’ति गहेत्वा यस्मा सा तण्हा, तस्मा कुसला न होति, यस्मा पन धम्मे पवत्ता, तस्मा अकुसला न होतीति अब्याकताति लद्धीति दस्सेति. तीहि कोट्ठासेहि छपि तण्हा संखिपित्वा दस्सिता, तस्मा धम्मतण्हापि कामतण्हादिभावतो न अब्याकताति अधिप्पायो.

धम्मतण्हाअब्याकतातिकथावण्णना निट्ठिता.

तेरसमवग्गवण्णना निट्ठिता.