४. ञाणकथावण्णना

६१४-६१५. ञाणकथायं सेय्यथापि महासङ्घिकानन्ति पुब्बे ञाणंअनारम्मणन्तिकथायं (कथा. ५५७ आदयो) वुत्तेहि अन्धकेहि अञ्ञे इध महासङ्घिका भवेय्युं. यदि अञ्ञाणे विगतेतिआदिना रागविगमो विय वीतरागपञ्ञत्तिया अञ्ञाणविगमो ञाणीपञ्ञत्तिया कारणन्ति दस्सेति. न हि ञाणं अस्स अत्थीति ञाणी, अथ खो अञ्ञाणीपटिपक्खतो ञाणीति. यस्मा ञाणपटिलाभेनाति एत्थ च ञाणपटिलाभेन अञ्ञाणस्स विगतत्ता सो ञाणीति वत्तब्बतं आपज्जतीति अत्थो दट्ठब्बो.

ञाणकथावण्णना निट्ठिता.