१०. दसकनिद्देसवण्णना

२०९. पञ्चन्नं इध निट्ठा, पञ्चन्नं इध विहाय निट्ठाति एत्थ ये सोतापन्नादयो रूपारूपभवे उपपज्जित्वा परिनिब्बायिस्सन्ति, ते इध विहाय निट्ठापक्खं भजमानापि अज्झत्तसंयोजनानं असमुच्छिन्नत्ता पुथुज्जनसाधारणे च ठाने उपपत्तिया न गहिता. असाधारणट्ठानुप्पत्तिवसेन पन अन्तरापरिनिब्बायीआदयो एव ‘‘इध विहाय निट्ठा’’ति वुत्ताति वेदितब्बाति.

दसकनिद्देसवण्णना निट्ठिता.

पुग्गलपञ्ञत्तिपकरण-मूलटीका समत्ता.