७-८. सप्पुरिसदानसुत्तादिवण्णना

३७-३८. सत्तमे विचेय्य देतीति एत्थ द्वे विचिननानि दक्खिणेय्यविचिननं, दक्खिणाविचिननञ्च. तेसु विपन्नसीले इतो बहिद्धा पञ्चनवुति पासण्डभेदे च दक्खिणेय्ये पहाय सीलादिगुणसम्पन्नानं सासने पब्बजितानं दानं दक्खिणेय्यविचिननं नाम. लामकलामके पच्चये अपनेत्वा पणीतपणीते विचिनित्वा तेसं दानं दक्खिणाविचिननं नाम. तेनाह ‘‘इमस्स दिन्नं महप्फलं भविस्सती’’तिआदि. अट्ठमे नत्थि वत्तब्बं.

सप्पुरिसदानसुत्तादिवण्णना निट्ठिता.