१-७. पठमउग्गसुत्तादिवण्णना

२१-२७. ततियस्स पठमदुतियेसु नत्थि वत्तब्बं. ततिये ‘‘हत्थगो’’ति वत्तब्बे ‘‘हत्थको’’ति वुत्तं. सो हि राजपुरिसानं हत्थतो यक्खस्स हत्थं, यक्खस्स हत्थतो भगवतो हत्थं, भगवतो हत्थतो पुन राजपुरिसानं हत्थं गतत्ता नामतो हत्थको आळवकोति जातो. तेनाह ‘‘आळवकयक्खस्स हत्थतो हत्थेहि सम्पटिच्छितत्ता हत्थकोति लद्धनामो राजकुमारो’’ति. चतुत्थादीनि उत्तानत्थानेव.

पठमउग्गसुत्तादिवण्णना निट्ठिता.